انا عبيط

ليه الناس فاكرة نفسها اذكية جدا؟؟؟ ده سؤال محيرني !!! ناس بتتعامل قدامك و انت بتعمل عبيط ... انا بعمل عبيط ... و اخاليهم يعيشوا الدور... ناس بتكذب .. و بخاليهم يصدقوا اني مصدقهم و انا واثق انهم كذابين حتي لو مافيش في ايدي دليل .. بس الدليل القوي عندي .. يمكن ناس كتير مش بتستوعب اللي بقوله ده و ناس تانيه مش معترفه بيه.. في مقوله بتقول :" قلب المؤمن دليله" انا مش بقول علي نفسي مؤمن .. انا الحمد لله بحاول اكون مؤمن .. المهم اني لما حد بيكذب علي بكون حاسس ان ده كذب و الحمد لله بيطلع في الاخر كذب بجد و احساسي صح ... كذا موقف حصل بيكون احساسي ان ده كذب و عقلي يقولي لاء ... عقلي بيفكر زي- كراجل علمي – ان لازم يكون في دليل و براهين عشان الاستنتاج يكون مضبوط و علي النقيد احساسي و قلبي اللي هما دليل اي مؤمن... بس في الاخر احساسي هو اللي بيوصلني للدليل و منه الاستنتاج اللي احساسي وصلني ليه في الاول...

كمان الذكاء مش في الكذب و التحوير .. لاء الذكاء برده في المعاملة .. ناس بتتعامل معاك بأسلوب رخيص و يفتكروا ده ذكاء.. مش هاخصص... ولا هاحدد عشان الامثلة كتير ... بس أنا ببقي فاهم و عارف و بحاول اعمل نفسي مش فاهم و مش عارف عشان اعرف اكتر...

من ضمن اساليب الذكاء.. التمثيل.. في مرة أتسألت سؤال عبقري... :" تعرف منين ان دي شخصيتي الحقيقة ؟ مش ممكن اكون بمثل عليك؟؟؟ مش ممكن اكون ممثله عبقريه و اخاليك تصدق؟؟" ده رد صديقة علي لما قلتلها اني فاهمها... طيب.. السؤال ده بجد عبقري .. بس الرد عليه سهل قوي و بجملة واحده :" قلب المؤمن دليله" ... التمثيل مافيش اسهل منه.. وانا واحد من الناس جربته علي خشبة المسرح قدام مئات.. و علي فكرة التمثيل سهل جدا... طالما الموهبه موجوده... بس صعب جدا قدام ناس قريبه من ربنا قوي... و احب أقول لكل الناس ... مثلوا ... استمروا .... كله قدامي شفاف ... ولو ماشفتش دلوقتي .. هاشوف كمان شوية ... مش بكره ... لاء كمان شوية

انا ليه سيبتها

جالي تليفونات و رسايل كتير من أول ما عملت اني "سينجل" و لغيت "الريلاشنشيب" و كنت دايما اجاباتي بتكون ديبلوماسية زي .."محصلش نصيب"  و "مافيش تفاهم" و الخ بقي.. بس من فترة قاعدت افكر كتير .. هو انا ليه اخبي.. طيب مانا افضحها . بس للاسف أخلاقي ماتسمحليش اني اعمل كده.. بس هي ماسكتتش و قاعدت تستفز في.. وانا عمال اطنش و اقول انت الكبير وفضلت اهدي في نفسي لحد ماقررت اني افضحها... وانا عارف الناس هنا مستنيه اي فضيحة عشان تفرح...

الهانم العاقلة الراسية اللي كانت ناوية علي جواز مني تبقي..... تبقي..... تبقي... ياربي مش قادر اقولها... تبقي زمالكاوية... ايوة زمالكاوية اصيلة كمان... وانا اللي كنت فاكرها أهلاوية؟؟؟ ازاي انا سامح الاهلاوي سليل الاهلاوية و اهلاوي من ايام تحتمس بو تريكه امنحطب اتجوز واحده زمالكاوية؟؟؟؟؟

فقررت و بقلب مرتاح و ضمير راضي اني اسيبها لحالها و كفاية شيكا و ابو صلعه عليها


و شكرا


ملحوظة: النوت دي من خيالي

للرجالة بس .. و يمكن البنات

أصلها بتفرق..... دي عنوان الأغنية الجديدة لعمرو دياب.. ولأول مرة عنوان اغنيه يشدني و يخالني افكر.. يعني ايه "أصلها بتفرق في حياتك واحدة"؟؟ قاعدت أفكر .. وأفكر .. وأفكر .. قعدت اعد كام واحدة في حياتي فرقت؟؟؟؟؟ ومين هي اللي هاتفرق..
صعب قوي انك تلاقي واحدة تفرق معاك ... طيب بيقوولوا وراء كل عظيم امرأة... طيب ما في رجالة كتير ضاعوا عشان امرأة !!!! طيب يعني زي ماهي بتصنع عظماء برده يتخسف براجل الارض...
فضلت افكر .. لحد ملاقيت مخي شد .. وانا لما بحتار بقوم اشغل اي موسيقي كلاسيك من أعمال موتزارت او شوبان.. موسيقي بجد مش الموسيقي اللي بنسمعها .. ماعلينا
لما ركزت.. وصلت مع نفسي لنقطة مهمة.... اللي بتفرق معايا .. تخاليتها... عشت معاها... حطتها في مواقف صعبة.. كل ده طبعا في خياللي و صلت ليها....
اللي بتفرق معايا هي اللي تختارك عشانك اولا مش عشان حاجة تانية.. ايه الحاجه التانية دي؟؟؟ دي بتفرق من واحدة للتانية.. واحدة ممكن تختارك عشان انت فنان و مشهور و هي بتحب الاضواء و تحب تكون في الصورة مع جوزها...او تختارك عشان انت دكتور و بتكسب كويس و كمان ليك بريستيج... او واحدة تختارك عشان باباك سايبلك المصنع و هاتورثه قريب ان شاء الله (يابختك يا عم) او واحده تختارك لانك انت الوحيد اللي رضيت بظروفها اللي ميرضهاش حد علي نفسه.. ووحدة تانيه شايفاك سلمة في حياتها ... او واحدة تعبت بقي من الكفاح و عايزة ترتاح فتقوم تختارك بغض النظر عن ظروفك اذا كنت متجوز و عندك عيال او فاضلك شويتين و هاتموت و هاتورث هي الشقة .... الخ
اللي بتفرق معايا لازم تكون اولا بنت ناس ليها خير في اهلها عشان اللي مالهوش خير في اهله مالهوش خير في حد.. اللي بتفرق معايا لازم تكون مستعدة للكفاح زي مانا مستعد اني اموت نفسي عشانها واخاليها مش محتاجة حاجه من فلوس و حب و حنان و اطمئنان... اللي ععاتفرق معايا هي اللي هاتختارني من غير تفكير في مميزات و عيوب و ياتري هاستحمله و هايستحملني ولا لاء؟؟؟؟؟ اللي بتفرق معايا هي اللي تحب عيوبي زي مميزاتي زي مانا هاحب عيوبها اكتر من مميزاتها... اللي بتقفرق معايا هي اللي تخلقلي الجو الصحي للتركيز و النجاح و تكون سند لي في المصائب قبل الفرح.... اللي تفرق معايا هي اللي ماتحطنيش في وضع مقارنة مع غيري.. لانه اصلا مافيش وجهه مقارنة بين الناس و بعضها كله بيكمل التاني

و يارجالة .. اللي تفرق معاكم هي اللي من نظرة واحدة تقول هي دي.. هي اللي تحس معاهه انك ملك
يارجالة... اللي ماتفرقش معاكم هي اللي انت تديها كل حاجة و هي ولا علي بالها و ماتعملش ليك اي حاجة

و بس

انا راجل مشفر

بسمع دلوقتي و بالصدفة السيمفونية السابعة لبتهوفن (الافتتاحية الثانية)... مش قادر اوصف قد ايه انا بعشقها... بعشقها لاني بحس نفسي فيها ... بتبدأ بصوت ضعيف خافت .. و ده بكون أنا في اي علاقة جديده بدخلها .. و بعد كده الموسيقي تقوي و تعلي تدريجيا لغايه صوت عالي قوي .. و هو ده حالي لما بوصل لمنتهي الحب ... بحس نفسي قوي في السيمفونية دي ... بتقطيع الموسيقي و الجمل الموسيقيه فيها لغايه مايوصل للبدايه تاني بس مش بنفس التعبير  (Expression) بيكون متوسط الحده .. وده فعلا أنا ... لما كنت مرتبط زمان .. بواحده زي الملاك (شكلا و صفة و كل شئ) .. قالتلي كلام مافهمتهوش ساعتها و افتكرت ان عشان اختلاف اللغه خلاني مافهمش هي تقصد ايه .. بس دلوقتي عرفت انه مش اختلاف اللغه .. المهم قالتلي: "أنت غريب... أنت كمية كبيرة من المشاعر و الاحاسيس و الرومانسية و في نفس الوقت تحمل من القوة و الصلابة و جمدان الشعور مايوازي مشاعرك الرومانسية ... انا حاسسه معاك بأمان... ماحستهوش حتي مع اهلي ."
مافهمتش الكلام ده ساعتها .. بس دلوقتي فهمت او اعتقد اني فهمت... هي فهمتني قوي.. فهمتني بجد مش زي ما اي حد تاني بيفهمني او بيحاول يفهمني او بيقنع نفسه انه فهمني.. عشان كدا اي حد يجي يقولي انا فاهمك بسكت مش بتكلم.. عشان لسه محدش فهمني .. لسه ماجتش البنت اللي تفهمني و تعرف تتعامل معايا... في علاقاتي الفاشلة اللي مرت .. سبب الفشل ان البنت تحس انها فهمتني .. و تتعامل معايا علي هذا الاساس .. بس لما تتعمق اكتر معايا تحس اني مش انا اللي عرفته علي الرغم انه انا من اول يوم لاخر يوم .. علي طبيعتي .. مش بمثل مش بلبس قناع .. انا هو انا.. بس هي اللي مش هي ... هي اللي فهمتني غلط...
حتي اصحابي - او اللي فاكرين نفسهم اصحابي-  ساعات بيستغربوا من ردة فعلي و بعضهم بيستعجب انه حاسس انه معرفنيش ... هو فعلا ماعرفنيش .. وزي ماقلتلي اول حب في حياتي اني انا راجل غير عادي ... راجل مشفر .. مش اي حد يفهمك مهما كان ذكي... هذا أنا




للاستماع للسيمفونية
http://www.youtube.com/watch?v=bqtPVEuAbzM

Dream A Little Dream Of Me.

I wanted to knee, to hold her left hand, to introduce a ring to her and asking her to marry me, and she say :"I do.". 

I wanted to hug her when she feel down holding her from the ground to the sky upon her own cloud. I wanted to kiss her every morning saying "Good morning sweety" and every night saying "Good, happy and sweet night, baby.". 

I wanted to catch her hand and walk in the street in pride and glory 'cause I'm her man. 

I wanted to surround her with my arms and protect her from the other lovers and Stalkers showing them the power of Leo. I wanted to put her head on my shoulder whispering "I love you." 

I wanted to hold our baby, a semi-blond baby-girl who looks like her mom. 

I wanted to erase her tears when it flow over her beautiful face and kiss her sweet cheeks. 

I wanted to pronounce all words in wrong way to let her correct it to me. 

I wanted to keep her between my arms inside my chest to let her feel save and love when she gets angry and mad. But I realized that it was just a dream, a dream won't happen anymore, a dream which needs a supernatural person, it was "dream a little dream of me".

ليله غاب فيها القمر

خرجت كالعادة كل يوم بعد الساعة 10 مساءا اتمشي شوية و اروح "اون ذي رن" اشربلي المشروب المفضل هناك و الحمد لله اني ماقبلتش حد اعرفه لاني كنت محتاج اسمع مش اتكلم.. محتاج اسمع نفسي شوية.. ايوة اسمع نفسي.. اسمع الشخص اللي جوايا بيقولي ايه.. شايفني ازاي؟؟؟ شايف اللي حوالي ازاي؟؟؟ من زمان عمًال يكلمني .. عمالي دوشه و انا عمال بسكت فيه
و في عز لحطات تفكيري ظهرلي واحد من تحت الارض... لاقيته جايلي و بيسلم علي
ساااااااامو ازيك؟؟؟؟
اهلا انا تمام!!!! هو لاحظ علامات التعجب اللي ظهرت علي
انت مش عارفني؟ اخص عليك !!!! لاقيت انه بدأ يزعل .. رديت اني فاكره بس مش قوي... هو الصراحه ملامحه مش غريبة عليً هو طولي تقريبا ... قمحاوي و شعره طويل.. رفيع.. جسمه متناسق شوية.... مش لابس نضارة.. كتفه عريض.. في نفس عمري الشخص ده انا فاكر اني شفته قبل كدا.. اعرفه.. كلمته قبل كده....
المهم قاعد يفكرني بيه بس كالعاده مافتكرتش.. خلصت المشروب بتاعي و قلت امشي بقي عشان عايز اتمشي .. لاقيته ماشي معايا وعمال يحكيلي عن زمان و ايام زمان لما كنناااا صغيريييين !!!! انا فاكر اللي بيقوله بس زي مايكون كدا الصورة مش واضحة ..
فجأه و انا ماشي رايح ناحية اكتر مكان بحبه و اللي انا ساكون جنبه ... الهرم ... ماشي جنب الهرم رايح ناحية ميدان الرماية.. لاقيته سكت فجأه و قالي مالك ملامحك حزينة ليه؟!!!! استغربت قوي من سؤاله و بصيتله قوي قلتله ايه ده؟؟!! هو انا حزين؟؟؟ و ضحكت ضحكة صفرا.. قالي اه هو انا مش عارفك؟؟!!! مالك؟ قلتله مافيش يا عم الحج انت عايز تضايقني و خلاص.. اتحرك من علي شمالي و بقي علي يميني.. قالي لاء .. انت حزين .. مش علي انا .. انت وحيد؟؟ قلتله لاء عندي اخ و اختين و.... قاطعني و قالي : انت هاتستعبط.. اقصد انت حاسس بوحده؟؟؟ قلتله لاء انا تمام.. مصدقش و قالي :انت حاسس بوحده رغم انك حواليك ناااااااس كتير.. طيب مش بترد عليهم ليه؟؟؟!!.. بصيتله قوي و استغربت و سالته عرف منين؟؟؟ قالي حاسس بكدا... بيكلمني و هو عمال يتنقل من علي يميني لشمالي .. عايز يعرف مالي.. بصراحه اتخنقت منه.. بصيت للسما بدعي ربنا يخلصني منه .. ولفت نظري انه مافيش قمر!!!! فكرت هو احنا لسه في اول او اخر الشهر العربي.. وانا بحاول افتكر لاقته قطع تفكيري و قالي : ايه مش لاقي القمر؟؟؟ قلت لنفسي ايه الواد ده؟؟؟؟ كنت عايز اززعق واقوله ارحمني.. بصيت له.. قالي مش هاسيبك الا لما تروق.. قلتله بنرفذه :"ياعم انا كويس" وقف قدامي و مسكني من كتفي وواقفني قدام مرايا مطعم وقالي بص... شايف نفسك؟؟؟ انت كدا كويس؟؟؟ انت كدا سامو اللي اعرفه؟؟؟بصيت.. و سرحت .. و كلمت نفسي.. وقلت لاء مش انا .. يابن الايه .. رد علي و قالي شوفت بقي انك عارف انك مش انت؟؟؟ بصيت له قوي.. قلتله هو انا اتكلمت بصوت عالي .. قالي مش لازم تتكلم بصوت عالي عشان اسمعك.. فجأة سمعت صوت فرمله عربيه .. و حصلت حادثة .. العربيه دخلت في الجزيرة اللي في الوسط اللي بتقسم الشارع قدام فلفلة .. بصيت علي العربيه و جيت اكلم البني ادم اللي جانبي لاقيته اختفي!!!!! مالهوش اثر !!! طيب ازاي؟؟؟؟ ده انا و هو بس اللي كنا في الشارع... خرجوا الناس من اون ذا رن بيجروا علي الحادثة و انا كنت لوحدي و هو مالهوش اي اثر !!!! كملت طريقي للبييت مستغرب و عمال افكر... و صوته لسه شغال في ودني كل لما اسال نفسي سؤال اسمع صوته بيرد ابص حوالي مالقهوش...
رجعت البيت دخلت اخد شاور .. ببص في المرايه.. لاقيته قدامي.. واتاريه معايا في كل الوقت و كل مكان و كل زمان.. موجود معايا و جوايا.... وانا مش حاسس.

ابقي نفسك

رجعت تاني... رجعت بعد فترة من اسوأ فترات حياتي... رجعت و حبيت اشكر كل اللي وقفوا جنبي و كانوا معايا من مصريين او غير مصرييين و فعلا وقت الشِدة الواحد بيعرف الناس... رجعت بعد ماأكتشفت ان اصدقائي الاجانب ارجل و اجدع من المصريين (!!) مش مهم.

رجعت افكر بعد ايام من احلام و كوابيس سخيفة و مخيفة والحمد لله انها مرت علي خير.. رجعت اسأل نفسي اسئلة كتير والاسئلة بتكتر و بتكتر و بحاول الاقي اجوبة مقنعة... اسئلة من نوع ليه و فين و امتي و مين؟؟؟؟؟

من ضمن الاسئلة الكتير دي .. سؤال واحد عمال يتكرر و يتكرر... مين المميز؟؟؟ مين المختلف؟؟ فين البنت اللي اقول عليها دي كاريزما و انها هي دي اللي بدور عليها؟؟ فين الصديق المميز و "الكاركتر" اللي اقوله علي كل حاجه في حياتي؟؟؟ ده مش معناه ان في ناس في حياتي مش قريبين مني و اني برتاح لهم بس الموضوع هنا اكبر من كدا... الموضوع اني فيه في دماغي حاجات معينيه مش لاقيها !!.

فكرت كتير و حللت و حاولت احط نظرية علميه تقنعني الاول قبل ماتقنع اي حد تاني... لاقيت ان كل واحد فينا مميز .. بالظبط زي موضوع فيلم أحمد مكي طير انت.. أكيد واحد هايقولي مانت ماجبتش جديد.. الفيلم اتكلم عن النقطة دي... اقوله صح بس مجرد ما الفيلم خلص كلنا طيرنا و نسينا الموضوع .. انا مانسيتش.. احنا فعلا كل واحد فينا مميز بميزة... فاماتحاولش عشان تخالي بنت تحبك او ولد ياخد باله منٍك انكم تكونوا مش انتوا... مش ولد يقولك "انا مش لاقي بنت مميزة " تقومي تعملي حاجات غريبة .. حاجات تفتكري انه عايزها في البنت اللي عايزها... او واحد عايز يلفت انتباه بنت بيحبها يقعد يدور علي اللي هي نفسها فيه في شخصية فارس احلامها يقوم يعمله. لأ... غلط... كوني نفسك... كون نفسك.. واللي عايزك هاياخدك زي مانت.. هايحب عيوبك قبل مميزاتك.... مش عايزك طظ فيه ... مش عاجبها طظ فيها... اللي خلقنا قادر يخلق زينا كتيير.

برده الصديق... حب صديقك زي ماهو ... وحاول تغير فيه معرفتش خلاص... ده صديق... العيوب هي اللي بتبين المميزات... بس لازم تكون عيوب مقبولة ... مش عيوب مدمرة...

اللي عايز اقوله اننا كلنا من طينة واحده ... يعني محدش مولود ب 3 ارجل او 4 عيون.. كلنا واحد .. كلنا نقدر نكون مميزين في كذا حاجه ... شوف انت بتعرف تعمل ايه و اعمله.. شوفي انتي بتحبي ايه واعمليه... وانت غير فكرتك .. بلاش تدور علي التميز في شريكة حياتك... تميزها هايكون انك في حياتها... انت غيّرلها حياتها... فاجأها .. دلعها .. وانتِ ... بلاش تقولي عايزة واحد مميز... المميز انك هاتحبيه... المميز انك هاتريحيه و تدلعيه... المميز انكوا تحاولوا تكونوا روميو و جولييت تانين و الناس تحسدكم...

وشكرا...

النوت دي اهداء لروح اول واحده في حياتي اللي كانت دايما بتقولي الكلام ده واللي كان السبب في تغير شخصيتي
اهداء ليكي يا Anja

A Message to Mema

It's strange to think I have not seen you in a month, I have seen the new moon, but not you, I have seen sunsets and sunrises, but nothing of your beautiful face. I knew this girl once who she broke my heart. I said "The pieces of my broken heart can pass through the eye of a needle". She used to call me through night and had fun together.

I miss you like the sun misses the flower. Like the sun misses the flower in the depths of winter. Instead of beauty to direct its light to the heart hardens like the frozen world your absence has sent me to. I'll go to the same café every night. I'll find it empty and cold if you're not there.

Hope guides me. It gets me through the day and especially the night. The hope that after you leave my sight it will not be the last time I look upon you.

With all the love that I possess I remain yours, even if I let you go.

The Knight of your heart.

Leo

خايف

كنت قاعد بالصدفة بسمع اغنية عبد الحليم حافظ "خايف مرة احب" لاول مرة يشدني الكلام لاقت نفسي بفكر.... و أسأل نفسي هل انت بقيت مستعد فعلا لأي قصة حب جديدة؟؟؟ قصة حب حقيقية؟؟؟ قصة حب تحمل التضحيات من الطرفين و التفاهم و الأنسجام؟؟؟ اقعدت أفكر ... وأنا اللي بتكلم مع اي حد تعب في الحب و بكون بالنسبالهم شمعة أمل و طمأنينة.. طيب لو حصل و حبيت ووصلت للـ Critical Point الحب ... هل هاكون مطمن؟؟؟ هاكون خايف؟؟؟ طيب ليه أطمن؟؟؟ و ليه ماخفش؟؟؟ وأنا كل ماطمن يحصل اللي "يدبحني" و كل ماتشجع بتوجع... في كل مرة بتشجع الشخص التاني اللي جوايا بيحاربني بيقولي خالي بالك .. ارد اقوله .. اسكت يا جمار انا حبيت خلاص.. يقولي ماتتعشمش... قصص الحب المثالية مش موجوده ولو وجدت بتبقي مرة واحده بالحياه.. اقوله اللي خلاني اعيشها مرة هايخاليني الاقيها تاني..و احنا اصلا ليه عايشين؟؟؟ مش عشان نغلط و نتعلم... يقولي غلطك كان كبير... كان الحب المثالي في ايدك و مشي غصب عنك بس ماتعبتش نفسك عشان تحافظ عليه.... أرد اقوله اكيد ده حصل عشان لما الاقي الحب الحقيقي تاني اعرف ازاي اخاف عليه... سكت .. و فضل فترة ساكت بس بيراقب... و اخيرا اتكلم تاني... شخط فيا ... انت مستعد؟؟؟ أنت قربت علي critical point انت مستعد؟؟؟؟ هنا انا سكت... فكرت... احترت... ضحك و صوت ضحكه بيعلي.... عمال يعلي لغايه ما خلاني مش سامع حتي سكوتي...
سكوتي ده ايه؟؟ تفكير ولا رضا ولا خوف؟؟ طيب خوف من ايه؟؟؟ من مشاعر حلوة؟؟؟ ولا من جرح ممكن تاني؟؟؟ ولا من جبن جوايا؟؟؟ بس انا و انا اللي جوايا عارفين اني مش جبان... بالعكس بس كتر الجروح بتخوف و بتضعف....
اسمع تاني و بالصدفة اغنية الحب المستحيل (كاظم الساهر) و اسمع شعر نزار قباني اللي بعشقه و هو بيقول "أحبك جدا و أعرف ان الطريق الي المستحيل طويل و أعرف انك ست النساء و ليس لدي بديل" أسال نفسي... طيب اهو في حب مستحيل و الواحد بيعمل المستحيل عشان يوصله و لما بيقول "أحبك جدا و جدا و جدا و أرفض من نار حبك ان استقيل.. و هل يستطيع المتيم بالعشق ان يستقيل... و ما همني ... ان خرجت من الحب حيا .. وما همنا ان خرجت قتيلا" ... اول ماسمعت الجزء ده سكت... لان ده أنا .. مش جبان... ولتاني مرة في خلال 10 سنين احس الاحساس ده... زمان لما قريت الشعر ده حاطيت قدامي هدف و كان حب مستحيل بجد و في الاخر وصلتله و عشته و كان مستحيل بمعني الكلمة بس وصلتله... طيب ليه انا دلوقتي خايف؟؟؟ طيب ليه و من ايه؟؟ يمكن عشان فشلت بعد الحب ده كذا مرة؟؟؟ طيب ماهو بعد الحب ده ماعشتش حب بجد!!! و ليه لما احسه تاني اخاف؟؟؟؟؟
الي من احببت:
"أحبك جدا و جدا و جدا و أرفض من نار حبك ان استقيل .. و هل يستطيع المتيم بالحب ان يستقييل.. و ما همني ان خرجت من الحب حيا و ما همني ان خرجت من الحب قتيلا"
"و يسعدني أن امزق نفسي من اجلك ايتها الغالية.. ولو خيروني لقررت حبك للمرة الثانية"

ملحوظة .. محدش يتعب نفسه و يفكر (من تكون حبيبتي) ... كل واحد عارف نفسة