ليه الناس فاكرة نفسها اذكية جدا؟؟؟ ده سؤال محيرني !!! ناس بتتعامل قدامك و انت بتعمل عبيط ... انا بعمل عبيط ... و اخاليهم يعيشوا الدور... ناس بتكذب .. و بخاليهم يصدقوا اني مصدقهم و انا واثق انهم كذابين حتي لو مافيش في ايدي دليل .. بس الدليل القوي عندي .. يمكن ناس كتير مش بتستوعب اللي بقوله ده و ناس تانيه مش معترفه بيه.. في مقوله بتقول :" قلب المؤمن دليله" انا مش بقول علي نفسي مؤمن .. انا الحمد لله بحاول اكون مؤمن .. المهم اني لما حد بيكذب علي بكون حاسس ان ده كذب و الحمد لله بيطلع في الاخر كذب بجد و احساسي صح ... كذا موقف حصل بيكون احساسي ان ده كذب و عقلي يقولي لاء ... عقلي بيفكر زي- كراجل علمي – ان لازم يكون في دليل و براهين عشان الاستنتاج يكون مضبوط و علي النقيد احساسي و قلبي اللي هما دليل اي مؤمن... بس في الاخر احساسي هو اللي بيوصلني للدليل و منه الاستنتاج اللي احساسي وصلني ليه في الاول...
كمان الذكاء مش في الكذب و التحوير .. لاء الذكاء برده في المعاملة .. ناس بتتعامل معاك بأسلوب رخيص و يفتكروا ده ذكاء.. مش هاخصص... ولا هاحدد عشان الامثلة كتير ... بس أنا ببقي فاهم و عارف و بحاول اعمل نفسي مش فاهم و مش عارف عشان اعرف اكتر...
من ضمن اساليب الذكاء.. التمثيل.. في مرة أتسألت سؤال عبقري... :" تعرف منين ان دي شخصيتي الحقيقة ؟ مش ممكن اكون بمثل عليك؟؟؟ مش ممكن اكون ممثله عبقريه و اخاليك تصدق؟؟" ده رد صديقة علي لما قلتلها اني فاهمها... طيب.. السؤال ده بجد عبقري .. بس الرد عليه سهل قوي و بجملة واحده :" قلب المؤمن دليله" ... التمثيل مافيش اسهل منه.. وانا واحد من الناس جربته علي خشبة المسرح قدام مئات.. و علي فكرة التمثيل سهل جدا... طالما الموهبه موجوده... بس صعب جدا قدام ناس قريبه من ربنا قوي... و احب أقول لكل الناس ... مثلوا ... استمروا .... كله قدامي شفاف ... ولو ماشفتش دلوقتي .. هاشوف كمان شوية ... مش بكره ... لاء كمان شوية
سامو
ReplyDeleteعلى فكره عاوزه اقولك ان فى ناس بتمثل فى الحياه ببراعه اكتر من اللى بيمثلوا على خشبة المسرح
لما انت كنت بتمثل او اى ممثل اخر الناس هتيجى تتفرج ساعه او اكتر وهتمشى وهى عارفه انها شافت تمثيل لكن ما ادراك باللى بيمثل بقى اليوم كله وطول الاسبوع وطول الشهر وفى حياته كلها
اشكال التمثيل متعدده فى هذا العصر ربنا يكفينا شر التمثيل على خشبة مسرح الحياه ويكفينا ضر ممثلين خشبة مسرح الحياه التى لا يوجد فيها احكام او تقاليد او اى اعراف ...
نيجى بقى لعنوان البوست انا عبيط هههههههههه على فكره ساعات باعمل كده وباعمل نفسى عبيطه عشان اللى امامى يكمل دوره المتقن او اللى هو فاكر انه متقن بس بينى وبينك باعلم عليه وخلاووويص يبقى كده فى البلاك يست بس نعمل ايه هما ناس موجودين فى حياتنا واحيانا لازم نتعامل معاهم بحكم جيره او قرابه وعمل تتعدد اشكال المعاملات
ان شاء الله ارجع اعمل كومنت تانى
انت عارف انى رغاااااااااااااايه اوى اوى
زهراء
يااااااااااااه بنقابلهم كتير اووى لدرجة انى بقيت عارفة اتعامل معاهم ازاى
ReplyDeleteبس المهم انى مبقاش زيهم ابداااااااااااااااا