Date: August 9, 2011
Time: 11:00 am
النهاردة عيد ميلادي الـ28 و خلاص هادخل على الـ29 ... كل سنة في الوقت ده بقعد مع نفسي .. اقيم نفسي و اشوف انا عملت ايه السنة اللي فاتت و ياترى اتحسنت ولا بقيت سيئ ؟!! بس السنة دي غير اي سنة .. السنة دي افتكرت عيد ميلادي من 10 سنين .. افتكرت اليوم ده و مش عارف ليه ؟!! و لما حاولت ادور على مذكراتي في اليوم ده .. ماعرفتش الاقيه .. قلت بلاش خاليني ادور عليه في ذاكرتي الدائمة اللي قليل جدا اني الاقي فيها حاجة او احفظ فيها حاجة مميزة.. المهم بعد عناء (مش كتير قوي يعني) قدرت افتكر "الاحساس" اللي كنت حاسسه ايامها .. ايامها كنت مرتبط بالبنت الوحيدة في الكون اللي كانت فاهماني .. البنت اللي لما كنت ببص لها كانت بتعرف انا عايز ايه بالظبط و تعمله من غير ماتكلم.. البنت اللي قالتلي كلمه و اتحققت ان اللي هايفرق بينا هو الموت .. سألت نفسي كتير .. انا ليه افتكرت اليوم ده.. والله مش عارف ... ومش عارف ليه بفتكرها كتتتير قوي و بشوفها في كل حتة... النهاردة مثلا انا معزوم عند خطبتي اللي بحبها جدااا و اللي بحمد ربنا علي وجودها في حياتي.. فالمفروض اني قاعد احضر لليوم ده .. و انا حاليا في شغلي فجأة جه في بالي البنت دي .. و افتكرت عيد ميلادي معاها كان عامل ازاي و كانت ازاي ملهوفة انها تحضرلي كل حاجة حلوة انا بحبها ...
مش عارف ليه برده بتكلم عنها كتير ... خايف اكون مريض بمرض "الحب الابدي"..
انا دلوقتي بحضر نفسي عشان امشي من شغلي و ارةح البيت اجهز عشان العزومة.... وبرده صورتها في خيالي و هي بتلبس احلي ماعندها عشاني....
اللهم اني صائم بقا
No comments:
Post a Comment